خلّي كل زيارة
تجيب زيارة
راجعلك بتحوّل كرت الأختام الورقي لبطاقة ولاء بمحفظة الهاتف. عميلك بيمسح QR، وبطاقة محلّك بتصير بجيبه وين ما راح. بدون تطبيق، وبدون تكلفة SMS.
عميلك راضي...
بس رح يرجع؟
أغلب العملاء ما بيرجعوا لأنهم نسيوا، مش لأنهم ما انبسطوا. راجعلك بتذكّرهم فيك، كل يوم، من جيبهم.
بطاقة دايمًا بجيبه
البطاقة محفوظة بمحفظة الهاتف جنب بطاقة البنك. ما بتضيع، وما بتنسى، وما بتنغسل بالغسالة.
إشعارات ببلاش
ابعت عروض وتذكيرات على شاشة هاتف عميلك مباشرة، قدّ ما بدك، بدون ما تدفع على كل رسالة.
قاعدة عملاء إلك
كل عميل بينضم بيصير عندك: مين رجع، قديش صرف، ومين صارله فترة غايب وبدّه تذكير.
كل أنواع الولاء... ببطاقة وحدة
اختار الطريقة اللي بتناسب محلّك، أو اجمع أكثر من وحدة.
تذكير اوتوماتيكي
طلب تقييم بعد كل زيارة، ورسالة "اشتقنالك" للعميل اللي غاب ١٤ يوم. المدة بتغيّرها إنت.
تقسيم العملاء (RFM)
عملاءك مقسّمين حسب آخر زيارة، كم مرة بيجوا، وقديش بيصرفوا. بتبعت العرض الصح للعميل الصح.
نقاط ومستويات
برونزي، فضي، ذهبي... ومزايا أكبر كل ما يرجع ويشتري أكثر.
دعوة صديق
عميلك بيشارك بطاقته مع صاحبه، ولما ينضم الاثنين بياخدوا هدية.
إشعارات بلا حدود
عروض ورسائل على شاشة الهاتف، لكل العملاء أو لفئة محددة.
إشعار قرب المحل
تنبيه تلقائي بيوصل لعميلك أول ما يقرّب من محلّك.
رسالة عيد الميلاد
هدية ورسالة بتوصل لحالها بيوم ميلاد كل عميل.
كوبونات وبطاقات هدايا
كوبون للزيارة الأولى، وبطاقات هدايا رقمية قابلة للشحن.
إشعار فوري وعميلك قريب من محلّك
عميلك ماشي بالشارع، وفجأة بيوصله: "وصلت قريب من محلنا! جرّب نكهتنا الجديدة". بدون ما تعمل إشي.
- بيشتغل تلقائيًا حسب موقع المحل
- رسالة إنت بتكتبها مرة وحدة
- بتوصل على شاشة القفل مثل أي إشعار
رسالة عيد الميلاد بتوصل تلقائيًا
"عيد ميلاد سعيد! شيك مجاني على حسابنا اليوم". لفتة صغيرة بتخلّي عميلك يحس إنه مهم، وبتجيبه لعندك بنفس اليوم.
- هدية عيد ميلاد لكل عميل
- رسالة اوتوماتيه بيوم الميلاد
- ولا مرة رح تنسى عميل
بطاقات بتشبه محلّك
بألوانك، بشعارك، وبصور منتجاتك. هاي أمثلة على بطاقات من تصميم راجعلك.
بطاقتك جاهزة بـ٣ خطوات
بدون تطبيق، بدون أجهزة خاصة، وبدون وجع راس تقني.
بنصمّملك البطاقة
بألوان محلّك وشعارك والمكافأة اللي بتختارها. من قالب جاهز أو تصميم خاص فيك، خلال دقائق.
عميلك بيمسح الـQR
ستاند على الكاونتر، ستيكر على الباب، أو رابط على إنستغرام. بمسحة وحدة البطاقة بتنضاف لمحفظة هاتفه.
بتبعت عروض وبتتابع النتائج
بتعطي أختام ونقاط من تلفونك، بتبعت إشعارات، وبتشوف مين رجع، قديش صرف، ومين غاب.
لكل محل بيحب عملاءه يرجعوا
اختار قدّيش بدك المحل يشتغل لحاله
سعر ثابت بالشهر. بدون عمولات وبدون رسوم على الرسائل.
بداية
- بطاقة فعّالة وحدة
- عرض ترويجي واحد
- إشعارات حسب الموقع
- رسائل تلقائية: عيد ميلاد، ترحيب وللعميل الغايب
- نظام إدارة العملاء (CRM)
- بطاقات للعملاء بلا حدود
- إشعارات بلا حدود
بلس
- كل مزايا بداية
- ٣ بطاقات فعّالة
- ٣ عروض ترويجية
- رسائل تلقائية متقدمة
- بعد البطاقة: تحويل تلقائي لتقييم جوجل أو إنستغرام
- حجوزات أو منيو رقمي
نمو
- كل مزايا بلس
- تصميم جديد للبطاقة كل ٣ أشهر
- ١٠ عروض ترويجية
- حتى ٣ فروع
- حجوزات ومنيو رقمي
- طلبات أونلاين أو موقع
أعمال
- كل مزايا نمو
- حتى ١٠ بطاقات فعّالة
- حتى ١٠ فروع
- كل الخدمات + بوت واتساب وإنستغرام AI
- مدير حساب خاص
- صلاحيات للموظفين
١٤ يوم تجربة مجانية بكل الباقات. بدون عقد، وبتلغي وقت ما بدك. شهرين مجانًا إذا اشتركت سنويًا.
أسئلة بتنسأل كثير
كيف بتشتغل بطاقة الولاء الرقمية؟
متل برامج الولاء تبع الماركات الكبيرة، بس بدون تطبيق غالي. عميلك بيضيف البطاقة لمحفظة Apple أو Google بكبسة وحدة، وبكل شراء الأختام أو النقاط أو الكاش باك بتتحدّث لحالها. وإنت بتقدر تبعتله عروض وإشعارات على تلفونه ببلاش.
لازم العميل ينزّل تطبيق؟
لا. العميل بيمسح الـQR، والبطاقة بتنحفظ بمحفظة الهاتف اللي أصلًا موجودة عنده. التسجيل بياخد ثواني.
بتشتغل على آيفون وأندرويد؟
أكيد. على آيفون بتنحفظ بـApple Wallet، وعلى أندرويد بـGoogle Wallet.
شو بحتاج عشان أبلش؟
ولا إشي خاص. بتعطي الأختام والنقاط من تلفونك أو تابلت، وبتحط الـQR على الكاونتر. التجهيز بياخد دقائق.
قديش بتكلّف؟
الباقات بتبلش من ₪300 بالشهر، مع ١٤ يوم تجربة مجانية. السعر ثابت: لا بتدفع على كل عميل ولا على كل رسالة.
الإشعارات بتكلّف إشي؟
لا. الإشعارات بتوصل عن طريق البطاقة بمحفظة الهاتف، مش SMS، فبتقدر تبعت قدّ ما بدك بدون تكلفة إضافية.
جاهز تخلّي كل زيارة تجيب زيارة؟
احجز مكالمة عرض مجانية ١٥ دقيقة بالوقت اللي بناسبك، ومنجهّزلك بطاقة تجريبية بشعار محلّك.
مكالمة تعارف ١٥ دقيقة · اختار الوقت اللي بناسبك